Fljótsdalur 27.09.2006

Í dag var áætlað að að byrja söfnun vatns í Hálslón við Kárahnjúka, en því hefur verið frestað um einhverja

daga þar sem ekki er endanlega lokið viða að sprauta þéttiefni inn í távegginn og víðar og hörnunartíma  á steypu er ekki náð. Gert er ráð fyrir að byrja fyllingu eftir helgina. Verið er að fylla vatn í framtíðar botnrásargöngin, en þeim var lokað í gær, er það bæði gert til að sjá leka og einnig að minnka álagið á lokurnar ef fyllt væri í þau með ánni, en þá fylltust þau mjög snöggt

Önnur verkefni í góðum gír.

Kveðja HUE

Búið er að fjarlægja brúna innan við Kárahnjúkastíflu nema stálvirkið sem verður skilið eftir.

Hjáveitugöngin sem notuð hafa verið á framkvæmdatímanum, þeim verður lokað þegar byrjað verður að safna í lónið.

Fljótsdalur 20 sept 2006.

Það er helst að frétta héðan frá virkjanasvæðinu að fyrsta snjókoman gerði vart við sig uppi á Kárahnjúkasvæðinu og má þá segja að stutt sé í veturinn á þeim slóðum.

Annars er allt gott að frétta úr Fljótsdalnum og flestir verkþættir ganga eftir áætlun.

Stemmt er að því að fjarlægja brúna sem er yfir Jökulsá á Dal uppi við Kárahnjúka (ofan í tilvonandi Hálslóni ) nú um helgina, en hún hefur verið notuð til manna og þungaflutninga. Einnig er áætlað að loka fyrir botnrásir sem notaðar voru á framkvæmdatímanum nú strax eftir helgi, og verður þá byrjað að safna í lónið frá þeim tíma, þó verður hægt að ráða fyllingahraða með aftöppun gegnum botnrás sem er til frambúðar.

Berjaspretta er sögð með afburðum góð hér fyrir austan hvort sem um bláber eða hrútaber er að ræða.

Kveð að sinni HUE.

Fljótsdalur 10.9.2006

Í gær laugardaginn 9 sept lauk bor (TBM1) við að bora sinn verkþátt frá aðgöngum1 í átt að Hálslóni (Kárahnjúkum) hafði hann þá lagt af baki um 16km og verður hann nú fjarlægður. Borarnir TBM2 og TBM3 eru að bora á móti hvor öðrum og eiga eftir tæpa 2km þar til þeir mætast. Fljótlega verður TBM2 tekinn og snúið til borunar upp í Jökulsárveitu (Hraunaveitur) sem ljúka á 2007 er það um .

Vinna í stöðvarhúsinu í Fljótsdal miðar ágætlega og eru flestir verkþættir á áætlun.

Fékk heimsókn um helgina Sigurveig kom við sjötta mann og var farinn skoðunarferð að Kárahnjúkum,  Hraunaveitum og í Fljótsdalsstöð.

Fór að bornum sem var að byrja borun á sveiflugöngum 2 (borað er lóðrétt niður í aðrennslisgöngin um 2,5km frá lóðréttu fallgöngunum)  en útreikningar sýna að sveiflugöngin sem búið var að gera upp frá aðgöngum 1 nægja ekki og var því farið í að gera önnur.

Leiðin lá til Húsavíkur laugardaginn 2 sept í jarðarför, en þar var verið að jarða Jón Ó Hermannsson frá Bergi í Flatey á Skjálfanda, undir hans leiðsögn vann ég sem unglingur, en það voru forréttindi að hafa kynnst og unnið með slíkum manni sem Jóni heitnum, hann hafði alla þá kosti sem geta prýtt góðan mann.  

Veðrið hér hefur verið megð besta móti undanfarna daga sólskin, en dálítill vindur.

Kveð að sinni HUE.