Við Heiða erum stödd í Reykjavík nú um stundir komum austan frá Egilsstöðum á laugardaginn var, áætlunin hljóðaði uppá að fara í vikuferð til Króatíu sem hæfist á sunnudaginn 24 ágúst.

En hálfvitinn ég lét undan þrýstingi veikara kynsins á laugardaginn og fór til læknis á Borgarspítalann þar sem vinstri handleggur var orðinn nokkuð sver og fylgdu því verkir (taldi sjálfur að um eðlilega stækkun vöðvamassa væri að ræða (djók)). 

Þegar á spítalan var komið og greining sérfræðings hafði átt sér stað var ákveðið að kyrrsetja mig til að gefa mér vökva í æð (virtist sérfræðingurinn ekki hafa nokkra einustu samúð eða skilning á því að ég missti þá af Króatíuferð (sá missti prikin)) því að öðrum kosti gæti verr farið að hans sögn og þar með var þessi Króatíuferð fyrir bí í bili.
 
Nú sit ég hér í Tröllakór ( í góðu yfirlæti Berglindar) og ásaka sjálfan mig fyrir að hafa verið svo vitlaus að hlustað á veikara kynið í þessu tilfelli, hvað með það þótt vinstrihandleggur færi hvaða gagn gerir hann svo sem, ég bara spyr?

Annars vorum við í dag að undirbúa pallasmíði og skjólvegg hjá Sigurveigu og Óla í Asparhvarfi 17-D.

HUE

Í morgun fór Hálslón á yfirfall við Kárahnjúkastíflu og verður á yfirfalli út september ef spár rætast allt er þó háð veðri og vindum.

Það vatn sem fer á yfirfall má segja að sé glata fé fyrir Landsvirkjun og þjóðarbúið þar sem það fer óbeislað úr 625 metra hæð úr Hálslóni og niður eftir Jökulsá á Brú og út í Héraðsflóa.
 


HUE

Fór í gær gönguferð niður með Jökulsá í Fljótsdal ásamt Berglindi. Við hófum gönguna skammt  fyrir neðan Jökulsárveitu sem er vatnssöfnunarsvæði fyrir Fljótsdalsstöð og blandast vatninu ofan frá Hálslóni við Aðgöng2.
 
Jökulsárveita er að mestu leyti Jökulsá í Fljótsdal og Kelduá. Uppistöðulónin sem nú myndast heita Ufsalón, Kelduárlón og Grjótárlón, en brátt mun framkvæmdum á þessu svæði ljúka og áætlunin er að loka fyrir rennsli Jökusár í Fljótsdal um 20 ágúst og mun þá rennsli árinnar að mestu hverfa, en safnast fyrir í Ufsalóni. Önnur svæði sem eftir er að tengja við þessa veitu td: Sauðárvatn mun bíða fram á næsta ár. Sjá Kort.
 

Gönguferðin gekk í alla staði vel utan þess að fá hælsæri og blöðrur og tók ferðin niður að innstu bæjum í Fljótsdal (Norðurdal ) rétta 4 klst.

Mikið er um smáflúðir og fossa á leiðinni, en ætlunin er að hleypa vatni á Jökulsána yfir sumartímann. 

HUE

Á laugardaginn birtust hér góðir gestir er þar fyrstar að nefna Berglindi og Heiða Björg sem komu með flugi frá Rvk og ætla að dvelja í um viku tíma þá litu við Lilja og Birgir úr Borgarnesi og svo Gústi Geirs.
  
Á laugardaginn fórum við á Neskaupsstað til að fylgjast með dagskrá verslunarmannahelgarinnar voru skemmtiatriðin frekar slöpp. Fór inn á safn sem býður upp á sýningu á verkum Tryggva Ólafssonar á neðstu hæð og á efri hæðum gamla muni og menjar ættað frá Jósafat Hinrikssyni og f.l. auk fuglasafns á efstu hæðinni, það sem mér fannst vanta var bátslíkanasafnið sem Jósafat var búinn að sanka að sér, en sökum plássleysis var víst ekki hægt að koma því fyrir að svo stöddu.

Á sunnudaginn var farið að Dettifoss austan meginn þá niður í Ásbyrgi og upp vestan meginn við Jökulsá á Fjöllum að Hljóðaklettum og litið við hjá Selfoss og Dettifoss í leiðinni, að lokum var farið í Mývatnssveit og svo til baka í Egilsstaði.

Helgarveðrið var frekar leiðinlegt, enda NA átt og kemur þá kuldi utan af hafi.

Keyrsla Fljótsdalsstöðvar hefur gengið með ágætum og fer að styttast í að Hálslón fari á yfirfall á Kárahnjúkastíflu yfirborðið í dag var komið í 621 m (fer á yfirfall í 625m) hækkar nú um ca 50 cm á sólarhring.

HUE.